बोला भै-बन्धू तुमथैं कनु, उत्तराखण्ड चयेणू च् -2
हे उत्तराखण्ड्यूँ तुमथैं कनु, उत्तराखण्ड चयेणू च्
बोला भै-बन्धू तुमथैं कनु, उत्तराखण्ड चयेणू च् ….
जात न पांत हो, राग न रीस हो
छोटू न बड़ू क्वे, भूखु न तीसु हो-2
मनख्यूंमा हो मनख्यात यनु, उत्तराखण्ड चयेणू च् -2 …
बोला बेटि-ब्वारयूँ तुमथैं कनु, उत्तराखण्ड चयेणू च्
बोला माँ-बैण्यूं तुमथैं कनु, उत्तराखण्ड चयेणू च्
घास-लखड़ा हों, बूण अपड़ा हों
परदेस क्वी ना जौ, सब्बि दगड़ा हों-2
जिकुड़ी ना हो उदास यनु, उत्तराखण्ड चयेणू च् -2 …
बोला ब्वाडा जी तुमथैं कनु, उत्तराखण्ड चयेणू च्
बोला काकाजी तुमथैं कनु, उत्तराखण्ड चयेणू च्
कूलुमा पाणि हो, खेतूं हैरियाली हो
बाग-बग्वान,फल फूलूं की डाली हो-2
मेहनति हों सबि लोग यनु, उत्तराखण्ड चयेणू च्-2
बोला भुलोंऊ तुमथैं कनु, उत्तराखण्ड चयेणू च्
बोला नौन्यालु तुमथैं कनु, उत्तराखण्ड चयेणू च्
शिक्षा हो दिक्षा हो, जख रोजगार हो
क्वीर भैजी भुल्ला न, बैठ्यूं बेकार हो-2
खाणा कमाणा हो लोग यनु, उत्तराखण्ड चयेणू च् -2 …
बोला प्रमुख जी तुमथैं कनु, उत्तराखण्ड चयेणू च्
बोला प्रधान जी तुमथैं कनु, उत्तराखण्ड चयेणू च्
छोटा-छोटा उद्योग जख घर-घरूँमा हों
घूस न रिश्वत जख दफ्तर मां हो-2
गौ-गौं कू हो विकास यनु, उत्तराखण्ड चयेणू च्-2 …..
-नरेंद्र सिंह नेगी